کشمیر کونسل یورپ نے مقبوضہ کشمیر میں بھارتی مظالم کےخلاف برسلز میں یورپی یونین کے صدر دفتر کے سامنے احتجاجی دھرنے کا اہتمام کیا۔

 احتجاجی  دھرنے میں یورپ میں مقیم کشمیریوں، پاکستانیوں اور ان کے حامیوں سمیت بڑی تعداد میں لوگوں نے شرکت کی۔

اس موقع پر اظہار خیال کرتے ہوئے کشمیر کونسل یورپ  کے چیئرمین علی رضا سید نے کہا ہے کہ بھارت نے انتہا پسند بھارتی تنظیموں کے بڑی تعداد میں عسکریت پسندوں کو مقبوضہ وادی کے عوام کےخلاف ظالمانہ کارروائیوں کےلئے بھیجا ہے۔

انہوں نے دنیا کی بڑی طاقتوں پر زور دیا کہ وہ کشمیر کے عوام کو خودارادیت کا حق دلوانے کےلئے بھارت پر دباو ڈالے۔