اطلاعات ونشریات کے بارے میں وزیراعظم کی معاون خصوصی ڈاکٹرفردوس عاشق اعوان نے کہاہے کہ وزیراعظم نے اپنی کابینہ کے نئے ارکان کومعیشت کوبحران سے نکالنے کاہدف دیاہے۔گوجرانوالہ میں ا یک اجتماع سے خطاب کرتے ہوئے انہوں نے قوم پرزوردیاکہ وہ ملک کی ترقی اور خوشحالی کے لئے وزیراعظم کے اقدامات کی حمایت کریں۔فردوس عاشق اعوان نے کہاکہ قومی معیشت کی موجودہ صورتحال ایک عارضی مرحلہ ہے جو جلد ہی بحال ہوجائے گی تاہم انہوں نے کہاکہ قوم کو اس عارضی مرحلے کے دوران قربانیاں دینا ہوںگی۔معاون خصوصی نے کہاکہ وزیراعظم عمران خان قومی خزانے کی ایک ایک پائی بازیاب کرائیںگے جس کی سابق حکمرانوں نے لوٹ مار کی ہے۔فردوس عاشق اعوان نے کہاکہ پاکستان تحریک انصاف کی حکومت مقامی صنعت کوفروغ دیکر ملک میں اقتصادی انقلاب یقینی بنائے گی۔
