اقوام متحدہ میں پاکستان کے مستقل مندوب منیراکرم نے اکیس جنوری انیس سونوے میں بھارتی قابض فوج کی جانب سے بزدلانہ اورسفاکانہ حملے میں شہیدہونے والے کشمیر کے بہادر بیٹوں اوربیٹیوں کوشاندارالفاظ میں خراج عقیدت پیش کیاہے۔گائوکدل کے قتل کی اکتیسویں برسی پرایک پیغام میں انہوں نے کہاکہ ہمارے دل گائوکدل اور آزادی کشمیر کی تحریک کے دیگرشہداء کے ساتھ ہیں۔انہوں نے کہاکہ گائوکدل قتل عام سے پہلے اوربعدمیں لاکھوں کشمیری مرد،خواتین اوربچوں نے جدوجہدآزادی میں بھاری قیمت ادا کی ہے۔انہوں نے کہاکہ پاکستانی حکومت اورعوام کشمیری بہن بھائیوں کادرد اور غم محسوس کرتے ہیں اور ہم ان کی جائزجدوجہدکے ساتھ مضبوطی سے کھڑے ہیں اور بھارتی غاصبانہ قبضے سے کشمیرکی آزادی تک چین سے نہیں بیٹھیں گے۔مندوب منیراکرم نے کہاکہ شہداء کی قربانیاں رائیگاں نہیں جائیں گی اوروہ دن دورنہیں جب قبضے کی تاریک رات ختم ہوگی اورشہداء کے خون سے آزادی کی صبح طلوع ہوگی۔