پاک فضائیہ کے سربراہ ظہیر احمد بابر سدھو نے آج (جمعرات کو)کراچی ایکسپو سینٹر میں بین الاقوامی دفاعی نمائش آئیڈیا2024کا دورہ کیا۔

ائرچیف نیشنل ایروسپیس سائنس اینڈ ٹیکنالوجی پارک پویلین میں کئی سٹالز پر گئے جو خلائ' سائبر'مصنوعی ذہانت' الیکٹرک وارفیئر'ایروسپیس ڈیزائننگ'سنسرزاور SIMULATORS کے شعبوں میں جدید ٹیکنالوجیز کی بھرپور نمائش کر رہا ہے۔

اس موقع پر فضائیہ کے سربراہ نے ایک مؤثر ماحولیاتی نظام کی ضرورت پر زور دیا جس سے ایروسپیس کے شعبے میں جدت اور ترقی کیلئے بڑے پیمانے پر سرمایہ کاری کی حوصلہ افزائی ہو۔

انہوں نے ایروسپیس ٹیکنالوجی کیلئے نیشنلINCUBATION سنٹر کے ذریعے ابھرتے ہوئے ہونہار افراد کی صلاحیتوں میں نکھار پیدا کرنے اور مقامی صنعتوں کی استعداد کار بہتر بنانے کی ضرورت پر زوردیا۔