مقبوضہ کشمیر میں جموں کے علاقے کٹھوعہ میں آٹھ سالہ آصفہ بانو کی بے حرمتی اور قتل کے خلاف ہفتہ کوزبردست احتجاجی مظاہرے کئے گئے۔احتجاجی مظاہرین نے کشتواڑ کے علاقوں پلوامہ، سونام رگ اور جموں کے علاقے ڈوڈا میں مظاہرے کیئے جن میں کمسن بچی کو انصاف دلانے اور مجرموں کوسخت سزا دینے کا مطالبہ کیا۔ادھر کل جماعتی حریت کانفرنس نے سری نگر میں ایک بیان میں کہا ہے کہ علاقے میں مارشل لا جیسی صورتحال برقرارہے۔کل جماعتی حریت کانفرنس نے کہاکہ کشمیری بھارتی حکام کی طرف سے تمام مظالم اور دبائو کے باوجود اپنی آزادی کی تحریک جاری رکھیںگے۔