امریکہ کے صدر ڈونلڈ ٹرمپ اور جاپان کے وزیراعظم شنزوابے نے شمالی کوریا کو مکمل اورحتمی طور پر ایٹمی ہتھیاروں سے پاک کرنے کے اپنے عزم کااعادہ کیا ہے۔
وائٹ ہائوس کی پریس سیکرٹری ساراسندرس نے واشنگٹن میں ایک بیان میں کہا ہے کہ دونوں رہنماوں نے ٹیلیفون پر گفتگو کرتے ہوئے امریکہ اور شمالی کوریا کے آئندہ سربراہ اجلاس پر بھی تبادلہ خیال کیا۔ انہوں نے کہا کہ دونوں رہنمائوں نے جوہری، میزائل اور اغوائیگی مسائل کے حل کیلئے امریکہ اور شمالی کوریا کے دوسرے سربراہ اجلاس کے جلد انعقاد کیلئے قریبی رابطوں کی پالیسی کے پختہ عزم کااعادہ بھی کیا ہے۔