اطلاعات ونشریات کے وزیرچودھری فوادحسین نے کہاہے کہ پاکستان خطے میں ترقی کی خاطر امن واستحکام کو فروغ دے رہاہے۔دبئی ایکسپودوہزاربیس میں ایک تقریب سے خطاب کرتے ہوئے انہوں نے کہاکہ پاکستانی ایک امن پسندقوم ہیں جواپنے ہمسایہ ملکوں کے ساتھ ہمیشہ پُرامن تعلقات کے خواہاں رہے ہیں۔وزیراطلاعات نے دبئی میں مقیم پاکستانیوں سے کہاکہ وہ دوبئی ایکسپومیں پاکستانی پویلین کا ہرروزدورہ کریں اوروہاں آئندہ ماہ کی چھبیس تاریخ تک نمائش کے لئے پیش کی جانے والی پاکستانی فلمیں دیکھیں۔انہوں نے متحدہ عرب امارات میں مقیم پاکستانیوں کاشکریہ بھی ادا کیاجوملک میں اکتیس ارب ڈالر کی ترسیلات زربھجوارہے ہیں۔چودھری فوادحسین نے کہاکہ بیرون ملک مقیم پاکستانی ملک کاقیمتی اثاثہ ہیں اور وزیراعظم عمران خان کے ساتھ اسی طرح کھڑے ہیں جس طرح انہوں نے وزیراعظم کی حمایت کی تھی۔