صدر ڈاکٹر عارف علوی نے خصوصی افراد کیلئے سرٹیفیکیٹس کے عمل میں تیزی لانے کیلئے ملک میں ون ونڈو آپریشن مراکز قائم کرنے کی ضرورت پر زور دیا ہے۔انہوں نے جمعرات کے روز اسلام آباد میں خصوصی افراد کی رجسٹریشن کے بارے میں ایک اجلاس سے خطاب کرتے ہوئے کہا کہ سرٹیفیکیٹس اور اندراج کا موجودہ نظام انتہائی سست اور مشکل ہے اور اسے آسان بنانے کی ضرورت ہے۔صدر نے متعلقہ فریقوں سے کہا کہ خصوصی افراد کیلئے سرٹیفیکیٹس کے عمل میں تیزی لانے کیلئے دارلحکومت اسلام آباد میں طبی ماہرین اور نادرا کے نمائندوں پر مشتمل ایک ادارہ قائم کریں۔انہوں نے وزارت صحت کو ہدایت کی کہ وہ معذوری کی تعریف کے بارے میں اتفاق رائے قائم کرنے کیلئے صوبوں سے رابطہ کریں۔