فائل فوٹو
بیرون ملک مقیم پاکستانیوں کے بارے میں وزیراعظم کے معاون خصوصی ذوالفقارعباس بخاری نے کہاہے کہ وزیراعظم کے آئندہ دورہ امریکہ میں مسئلہ کشمیر پرخصوصی توجہ دی جائے گی جس میں متنازع ریاست کے الحاق کے بھارتی فیصلے اوروہاں انسانی حقوق کی جاری خلاف ورزیوں پر غور کیاجائے گا۔
ذوالفقارعباس بخاری نے امریکی میگزین نیوزویک کوانٹرویو میں بتایا کہ عمران خان کامقصد مقبوضہ کشمیرمیں مسلمانوں کی جاری نسل کشی کے بارے میں آگاہی پیدا کرناہے۔
انہوں نے کہاکہ پاکستان کوعالمی سطح پرچین، ترکی،ملائیشیا اورایران جیسے ملکوں کی حمایت حاصل ہوئی ہے جو اس مسئلے پرآوازاٹھارہے ہیں۔
