اقوام متحدہ کے سیکرٹری جنرل انتونیوگوتریزاقوام متحدہ کی جنرل اسمبلی کے چوہترویں اجلاس میں شرکت کرنے والے مختلف رہنمائوں کے ساتھ مسئلہ کشمیر پر بات چیت کریں گے۔
یہ بات ان کے ترجمان سٹیفن ڈیوجیرک نے نیویارک میں معمول کی بریفنگ کے دوران مقبوضہ کشمیرمیں مواصلاتی بندش کے بارے میں ایک سوال کے جواب میں کہی۔
انہوں نے کہاکہ وہ جنرل اسمبلی میں مسئلہ کشمیر اجاگرکرنے کے دوران اس پربحث کاموقع بھی استعمال کریں گے۔
ترجمان نے کہاکہ انتونیوگوتریزنے تنازعہ کشمیر کے حل کے لئے مذاکرات کی ضرورت پربھی زوردیااوراسے واحدحل قراردیا۔