اقوام متحدہ کی سلامتی کونسل نے عالمی دہشت گردی اور مختلف ملکوں کے اندر منظم جرائم کے درمیان تعلق کے خلاف مربوط کوششوں سے متعلق ایک قرارداد منظور کی ہے ۔قرارداد 2482 میں جس کی پندرہ رکنی کونسل کے ارکان نے متفقہ حمایت کی اچھے نظم ونسق اور غربت کے خاتمے کی ضرورت پر زوردیاگیا ہے جس کا مقصد بدعنوانی کا خاتمہ رقوم کی غیرقانونی منتقلی اور دہشت گردوں کی مالی امداد روکنا ہے۔قرارداد میں دہشت گرد تنظیموں کوہتھیاروں کی مکمل فراہمی کی سخت مذمت کی گئی ہے جن میں دہشت گردوں کو فوجی آلات اور جاسوس طیاروں کی فراہمی شامل ہے ۔قرارداد میں کہاگیا ہے کہ رکن ممالک مناسب قانون سازی کریں اور ایسا طریقہ کار وضع کریں جس میں وسیع تناظر میں ممکنہ بین الاقوامی تعاون کی اجازت ہو ۔