چین کے صدر شی جن پنگ نے کہا ہے کہ چین اعلیٰ معیار کے ایک خطہ ایک سڑک منصوبے کی تعمیر کے حوالے سے تعاون کیلئے دوسرے فریقوں کے ساتھ کام جاری رکھے گا۔آج ایشیاء سالانہ کانفرنس دو ہزار اکیس کیلئے بائو فورم کی افتتاحی تقریب میں ویڈیو لنک کے ذریعے کلیدی خطاب کرتے ہوئے انہوں نے کہا کہ چین مختلف شعبوں میں دوسرے ملکوں کے ساتھ تعاون کو فروغ دے گا۔انہوں نے بالا دستی پر مبنی ڈھانچے کو مسترد کرتے ہوئے مزید یکساں عالمی نظم و نسق پر زور دیا، انہوں نے بعض ملکوں کی جانب سے رکاوٹیں پیدا کرنے کے لئے کی جانے والی سازشوں پر تنقید کرتے ہوئے کہا کہ اس کا کسی کو فائدہ ہونے کے بجائے دوسروں کو نقصان ہو گا۔