بھارت کے غیرقانونی زیرقبضہ جموں وکشمیرمیں کل جماعتی حریت کانفرنس نے اس عزم کااعادہ کیاہے کہ وہ تمام ترمشکلات کے باوجوداپنی جدوجہدجاری رکھیں گے۔
کل جماعتی حریت کانفرنس نے سرینگرمیں سیکرٹری جنرل مولوی بشیراحمدکی زیرصدارت منعقدہ اجلاس میں کہاکہ بھارت کو کسی بھی صورت اپنے مذموم عزائم میں کامیاب نہیں ہونے دیاجائیگا۔اجلاس نے کہاکہ تحریک آزادی کے لئے عوام کی طرف سے پیش کی گئی قربانیوں کو رائیگاں نہیں ہونے دیاجائے گا اوران کامشن منطقی انجام تک پہنچاکردم لیاجائے گا۔
