الیکشن کمیشن نے خیبرپختونخوا کے حلقےپی کے 71 میں خالی نشست پر اتوار کو ہونے والے ضمنی انتخابات کے انعقاد کےلئے تمام ضروری انتظامات کو حتمی شکل دے دی ہے۔
الیکشن کمیشن خیبرپختونخوا کے ترجمان سہیل احمد نے ریڈیو پاکستان کے نمائندے کو بتایا کہ پانچ امیدوار مد مقابل ہیں جن میں پاکستان تحریک انصاف کے ذوالفقار خان، اے این پی کے صلاح الدین اور تین آزاد امیدوار شامل ہیں۔
یہ نشست شاہ فرمان کو گورنر خیبرپختونخوا مقرر کر نے کے بعد خالی ہوئی تھی۔