کنٹرول لائن کی دونوں جانب کشمیریوں نے بھارتی وزیراعظم نریندر مودی کے مقبوضہ کشمیر کے دورے کے خلاف احتجاجی مظاہرے کئے۔بھارتی وزیراعظم نریندر مودی نے کشن گنگا ڈیم کا افتتاح کرنے کیلئے آج سرینگر کا دورہ کیا۔مقبوضہ کشمیر میں بھارتی وزیراعظم کے دورے کے خلاف احتجاج کیلئے آج یوم سیاہ منایا گیا اور مکمل ہڑتال کی گئی۔تمام دکانیں اور کاروباری مراکز بند رہے اور سڑکوں پر ٹریفک معطل رہی۔ ہڑتال کی اپیل سید علی گیلانی، میرواعظ عمر فاروق اور محمد یاسین ملک پر مشتمل مشترکہ حریت قیادت نے کی تھی۔
