بھارت کے غیرقانونی زیرقبضہ جموں وکشمیر کے ضلع شوپیاں میں بھارتی فوج نے جمعہ کے روز اپنی ریاستی دہشت گردی کی نئی کارروائی میں تین کشمیری نوجوانوں کو شہید کردیا ۔بھارتی فوجیوں نے ان نوجوانوں کو ضلع کے علاقےBADIGAM میں محاصرے اورتلاشی کی کارروائی کے دوران شہید کیا ۔ادھر بھارتی فوجیوں نے پلوامہ اور بڈگام کے اضلاع میں محاصرے اورتلاشی کی کارروائیاں دوسرے روز بھی جاری رکھیں۔