مقبوضہ کشمیر میں کل جماعتی حریت کانفرنس کے چیئرمین سید علی گیلانی نے کہا ہے کہ بھارتی حکام پرامن احتجاج کو روک کر اور کشمیری عوام کے جمہوری اور بنیادی حقوق غصب کرکے ایک جمہوری ملک کی اقدار کو پامال کررہے ہیں۔

 سری نگر میں ایک بیان میں انہوں نے کہاکہ مقبوضہ وادی خصوصا کریم آباد، پلوامہ، ترال، حاجن اور ہند واڑہ میں نوجوانوں کو گرفتار اور تھانوں میں تیسرے درجے کے تشدد کا نشانہ بنایا جاتا ہے۔

 انہوں نے گولی نہیں بولی کے بیانیے کو جھانسا قرار دیتے ہوئے کہاکہ پیپلز ڈیموکریٹک پارٹی کا موقف بری طرح بے نقاب ہوگیا اور یہ جماعت اب لوگوں کو مزید بے وقوف نہیں بناسکتی۔