بھارت کی وزارت داخلہ کی سرکاری ویب سائٹ پرجموں وکشمیر کی آبادی کے بارے میں ایک مضحکہ خیز دعویٰ کرتے ہوئے وادی کشمیر کی آبادی کو دس گنا زیادہ ظاہر کیاگیا ہے۔
ویب سائٹ پر کہاگیا ہے کہ وادی کشمیر کے مکانات میں رہائشیوں کی مجموعی تعداد پانچ لاکھ پینتیس ہزار آٹھ سو گیارہ جبکہ جموں کے مکانات میں رہائشیوں کی تعداد انہتر لاکھ سات ہزار چھ سو تیئس ہے، اسی طرح لداخ کے رہائشیوں کی تعداد دو لاکھ نوے ہزار چارسو بانوے ہے۔
یہ غلطی اس وقت سامنے آئی ہے جب کشمیر پہلے سے ایک بین الاقوامی مسئلے کے طور پر موضوع بحث بن چکا ہے اورپوری دنیا مقبوضہ وادی میں ہونےوالی پیشرفت کا باریک بینی سے مشاہدہ کررہی ہے۔
