بھارت میں مسلم پرسنل بورڈ نے کہاہے کہ وہ ایک ماہ کے اندرسپریم کورٹ میں ایک درخواست دائر کرے گا جس میں اس سے بابری مسجدکے اپنے فیصلے پرنظرثانی کی استدعاکی جائے گی۔
بورڈ نے کہاکہ وہ مسجد کے لئے کوئی متبا دل اراضی قبول نہیں کرے گا۔سپریم کورٹ نے سنی وقف بورڈ کوایودھیامیں ایک نمایاں مقام پرمسجد کے لئے پانچ ایکڑاراضی فراہم کرنے کاحکم دیاتھا۔سنی وقف بورڈ نے کہاتھا کہ وہ عدالت کے فیصلے کوچیلنج نہیں کرے گا تاہم لاء بورڈ نے کہاہے کہ دوسرے مسلمان متاثرین نظرثانی کی درخواست دائرکرناچاہتے ہیں۔(این این آر، وہاج بشیر)