مقبوضہ کشمیر میں کل جماعتی حریت کانفرنس کے چیئرمین سیدعلی گیلانی نے بھارت کی مختلف جیلوں میں غیر قانونی طور پر قید کشمیریوں کی حالت زار پرگہری تشویش ظاہر کی ہے۔سری نگر سے جاری ایک بیان میں انہوں نے کہا کہ زیر حراست کشمیریوں سے ناروا سلوک کیا جارہا ہے اور انہیں ذہنی اور جسمانی تشدد کا نشانہ بنایا جارہا ہے۔انہوں نے کہاکہ جموں کی اودھمپور جیل میں زیرحراست کشمیریوں کو علاج معالجے کی سہولت بھی فراہم نہیں کی جارہی ۔
کل جماعتی حریت کانفرنس کے چیئرمین نےکہاکہ زیر حراست کشمیری ضمیر کے قیدی ہیں اور ان کی خدمات کو سراہا۔سید علی گیلانی نے انسانی حقوق کی عالمی تنظیموں پر زور دیا کہ وہ غیرقانونی طورپر زیرحراست بےگناہ کشمیریوں کی حالت زار کانوٹس لیں اور ان کی فوری رہائی کےلئے اپنا کردار ادا کریں۔
