فائل فوٹو

انسانی حقوق کے کشمیری اور جرمن کارکنوں نے عالمی برادری پر زور دیا ہے کہ وہ مقبوضہ کشمیر میں بھارتی فورسز کی طرف سے جاری انسانی حقوق کی سنگین خلاف ورزیاں نظرانداز نہ کرے۔

 یونیورسل پیس فیڈریشن کے کارل Chritian Housmann انسانی حقوق کی کارکن مز Patricia لندن سے تعلق رکھنے والے ڈاکٹر اسحاق اورظفر قریشی اور کشمیر کونسل یورپ کے چیئرمین علی رضا سید نے سٹٹ گارٹ میں رواداری کے عالمی دن کے موقع پر کشمیر میں خطرناک انسانی المیہ کے موضوع پر ہونے والی کانفرنس سے خطاب کیا۔

کانفرنس سے خطاب میں انہوں نے لوگوں کو کشمیر میں بھارتی مظالم کےبارے میں آگاہ کرنے کےلئے بھرپور  کوششیں کرنے کا وعدہ کیا۔

 کانفرنس کے دیگر مقررین نے بھی عالمی برادری پر زوردیا کہ وہ مقبوضہ وادی میں کرفیو کے خاتمے اور مسئلہ کشمیر کے پرامن حل میں اپنا کردارا دا کرے۔