اقوام متحدہ میں پاکستان نے پائیدار ترقی کے فروغ کیلئے مل کر کام کرنے اور اجتماعی حل تلاش کرنے کی ضرورت پر زور دیا ہے۔
نیویارک میں آن لائن اجلاس سے خطاب کرتے ہوئے اقوام متحدہ میں پاکستان کے مستقل مندوب منیر اکرم نے کہا کہ عالمی یکجہتی کے ذریعے موجودہ وبا کے تناظر میں کثیرالجہتی اقدامات کے تناظر میں ہمارا ردعمل ہمیشہ سرفہرست رہاہے۔ایمبسیڈرمنیر اکرم نے زراعت سے متعلق بنیادی ڈھانچے کی پائیدار ترقی کیلئے سرمایہ کاری کی ضرورت پر زور دیا تاکہ ترقی پذیر ملکوں میں دوردراز علاقوں اور چھوٹے درجے کے کسانوں کی منڈی تک رسائی یقینی بنائی جاسکے۔
