مقبوضہ کشمیر میں بھارتی فوج نے آج ضلع پلوامہ کے قصبے ترال میں تلاشی اورمحاصرے کی کارروائی کی ۔
فوجیوں نے قصبے کے علاقے گلشن پورہ کامحاصرہ کرکے گھر گھر تلاشی کی کارروائی کی ،بڑی تعداد میں بھارتی فوج اورپولیس اہلکاروں کوعلاقے میں تعینات کیاگیا ہے۔
کل بھارت کے نام نہاد پارلیمانی انتخابات کے دوسرے مرحلے سے قبل بھارتی فوجیوں اور پولیس اہلکاروں نے سرینگر کے حلقے میں لوگوں کی جامہ تلاشی کا سلسلہ بھی شروع کردیا ہے، یہ حلقہ سرینگر ،بڈگام اور گاندربل کے اضلاع پر مشتمل ہے۔