پاور ڈویژن کے وفاقی وزیر عمر ایوب خان نے بجلی کی تقسیم کار چھ کمپنیوں کو ہدایت کی ہے کہ وہ پاور سیکٹر کی لیکو ڈٹی کی بہتری کے لئے 83 ارب 20 کروڑ روپے کے بجلی کے حالیہ بلوں کی وصولی کو 100 فیصد یقینی بنائیں۔
انہوں نے یہ ہدایات جمعہ کے روز اسلام آباد میں پاور ڈویژن کے اجلاس میں دیں۔
اجلاس میں پاور ڈویژن کے وفاقی سیکرٹری عرفان علی پیسکو، بجلی تقسیم کار کمپنیوں کے چیف ایگزیکٹو ز اور پاور ڈویژن کے دیگر اعلیٰ حکام نے شرکت کی۔
وفاقی وزیر نے بجلی کی تقسیم کارکمپنیوں کو بھی ہدایت کی ہے کہ وہ بجلی کی چوری اور غیرقانونی طورپر کنڈا کے استعمال کا خاتمہ کریں اور اس میں ملوث افراد کے خلاف خیبرپختونخوا اورپنجاب میں قائم کردہ صوبائی ٹاسک فورس کی مدد سے کارروائی کریں۔
اجلاس میں نیپرا کی جانب سے مقرر کردہ اہداف کے طورپر لائن لاسز کو کم کرنے کے علاوہ سو فیصد بلوں کی وصولی کے اہداف کے ساتھ 31 اکتوبر 2018 تک موصول شدہ اعداد و شمار کو منجمد کرنے کا فیصلہ کیاگیا۔