فاءل فوٹو

یورپی یونین نے کہا ہے کہ وہ کم آمدنی والے ملکوں کے لئے اپنے موجودہ وعدے سے دوگنا زیادہ کورونا وائرس ویکسین کی مزید بیس کروڑ خوراکیں عطیہ کرے گا۔یورپی یونین سے اپنے سالانہ خطاب میں یورپی کمیشن کی صدر URSULA VON DER LEYEN نے کہا کہ یہ عطیہ یکجہتی کے لئے ایک سرمایہ کاری ہے۔انہوں نے امریکہ اور یورپ میں معاشی طور پر مضبوط ملکوں اور غریب ملکوں کے درمیان پیدا ہونے والی عدم مساوات کا اعتراف کیا جہاں ایک جانب امیر ممالک کورونا وائرس سے بچائو کے لئے اپنی آبادی کو تیزی کے ساتھ ویکسین لگا رہے ہیں تو دوسری جانب غریب ممالک ویکسین کی خوراکوں کے حصول کے لئے جدوجہد کر رہے ہیں۔