Monday, 21 September 2020, 11:27:28 am
حکومت معاشی مسائل پرقابو پانے کیلئے پرعزم ہے،وزیراعظم
May 16, 2019

وزیراعظم عمران خان نے کہا ہے کہ حکومت امن پرمبنی ' سرمایہ کاردوست اور ترقی پرمرکوز حکمت عملیوں جن میں عوام کو بنیادی اہمیت حاصل ہو کے ذریعے موجودہ معاشی مشکلات پر قابو پانے کیلئے پرعزم ہے ۔

وہ جاپان کے سفیر KUNINORI MATSUDA کے ساتھ گفتگو کررہے تھے جنہوں نے جمعرات کے روز اسلام آباد میں ان سے ملاقات کی ۔
عمران خان نے کہاکہ پاکستان معیشت کے تمام شعبوں میں جاپانی کارورباری اداروں کو خوش آمدید کہنے کیلئے تیار ہے ۔
انہوں نے گزشتہ برسوں میں پاکستان کی ترقی کے اہم شراکت دار کے طورپر جاپان کے کردار کوسراہا اور سرمایہ کاری ' انسانی وسائل کی ترقی ' انفارمیشن ٹیکنالوجی' سیاحت اور زراعت کے شعبوں میں موجود مواقع کو اجاگرکیاتاکہ باہمی طورپر مفید تعاون کو مزید فروغ دیاجائے ۔
جاپان کے سفیر نے پاکستان اور جاپان کے درمیان دوطرفہ تعاون کے پہلوئوں کاجائزہ لیا ۔
دونوں فریقوں نے پاکستان اور جاپان کے درمیان دوطرفہ تعلقات پراطمینان کا اظہار کیا ۔
جاپان کے سفیر نے پاکستان کے ساتھ دوطرفہ تعاون بڑھانے کیلئے اپنے ملک کی مکمل حمایت کا یقین دلایا ۔