پنجاب حکومت کے ترجمان حسان خاور نے کہا ہے کہ راوی ریور فرنٹ پروجیکٹ، چہار باغ کا پہلا زون آج شروع کیا جارہا ہے۔
آج (اتوار)ایک ٹویٹ میں انہوں نے کہا کہ یہ منصوبہ شہر میں بڑھتی ہوئی آبادی پر قابو پانے، پانی کی سطح بڑھانے اور دریائے راوی کی بحالی میں معاون ثابت ہوگا۔حسان خاور نے کہا کہ پنجاب کے وزیر اعلیٰ عثمان بزدار نے منصوبے پر تیزی سے عملدرآمد کی ہدایت کی ہے تاکہ بڑھتی آبادی، گاڑیوں کے انجماد، بڑھتی آلودگی اور پانی کی قلت جیسے مسائل سے نمٹا جاسکے۔
