مذہبی ہم آہنگی کے بارے میں وزیراعظم کے خصوصی نمائندے حافظ محمدطاہرمحموداشرفی نے کہاہے کہ نئی قومی سلامتی پالیسی داخلی امن اورمعاشی بحالی پرمبنی ہے۔
لاہورمیں مسیحی رہنمائوں سے ملاقات کے بعد صحافیوں سے گفتگوکرتے ہوئے انہوں نے کہاکہ سلامتی پالیسی میں نیشنل ایکشن پلان اورمذہبی ہم آہنگی میں موجودتمام نکات شامل ہیں۔انہوں نے کہاکہ اگرملک میں معاشی استحکام ہوتوہمیں عالمی مالیاتی فنڈ کے پاس نہیں جاناپڑے گا اور اس سے قومی سلامتی کے معاملات میں بیرونی مداخلت بھی نہیں ہوگی۔
