مقبوضہ کشمیر میں بھارتی فوج کا غیر قانونی محاصرہ آج مسلسل ایک سو تین دن بعد بھی جاری ہے۔
کشمیر میڈیا سروس کے مطابق دفعہ144 کے تحت پابندیاں برقرار ہیں اور تمام جگہوں پر انٹرنیٹ ایس ایم ایس اور پری پیڈ موبائل سروس بند ہونے کے باعث شہریوں کو شدید مشکلات کا سامنا ہے۔
مقبوضہ وادی میں لوگ بھارت کی جانب سے وادی کشمیر میں زندگی معمول پر آنے کے ڈھونگ کے خلاف سول نافرمانی کے ذریعے احتجاج کر رہے ہیں۔ مقبوضہ وادی میں دکاندار دن کے زیادہ تر اوقات میں اپنی دکانیں بند رکھتے ہیں اور طلبہ تعلیمی اداروں میں نہیں جا رہے ہیں۔ دفاتر میں بھی حاضری نہ ہونے کے برابر ہے۔
