ایک جانب جہاں دنیا آج جمہوریت کا عالمی دن منارہی ہے وہاں بھارت کے غیرقانونی زیرتسلط جموں وکشمیر کے عوام مسلسل ہر طرح کے جمہوری حقوق سے محروم ہیں۔
کشمیر میڈیا سرو س کی طرف سے آج جاری کی گئی ایک تجزیاتی رپورٹ کے مطابق آزادی کی اقدار، انسانی حقوق کی پاسداری اور حق خودارادیت ملنا جمہوریت کے لازمی عوامل ہیں لیکن بھارت کے غیرقانونی زیر تسلط جموں وکشمیر کے عوام کو یہ تمام حقوق دینے سے انکار کیا جارہا ہے۔