اقوام متحدہ نے نقل مکانی کرنے والے افغانیوں کیلئے تعاون کا عمل تیز کرنے کی اپیل کرتے ہوئے کہا ہے کہ افغانی یورپ میں پناہ لینے کیلئے آنے والا سب سے بڑا گروپ ہے ۔

جنیوا میں صحافیوں سے گفتگو کرتے ہوئے پناہ گزینوں کے بارے میں اقوام متحدہ کے ادارے کے ترجمان بابر بلوچ نے کہا کہ اس سال اب تک سات لاکھ تارکین وطن مشرقی بحیرہ روم پہنچے ہیں جن میں 37 فیصد افغانی ہیں ۔انہوں نے کہا کہ یہ سب سے بڑی نقل مکانی اوراقوام متحدہ کے پناہ گزینوں کے ادارے کے تحت پناہ گزینوں کی سب سے بڑی آبادی ہے ۔اقوام متحدہ کے پناہ گزینوں کے ادارے کے مطابق سب سے زیادہ تعداد میں پاکستان اور ایران میں تقریبا 90 فیصد افغان پناہ گزین مقیم ہیں ۔