لبنان کے وزیرداخلہ احمدالحجار پاکستان کے ساتھ تعلقات مستحکم بنانے اوردونوں ممالک کے درمیان تعاون بڑھانے کی غرض سے پاکستانی قیادت کے ساتھ مذاکرات کیلئے دوروزہ سرکاری دورے پراسلام آباد پہنچے ہیں۔
ان کی آمد پر وزیرمملکت برائے داخلہ طلال چودھری نے اسلام آباد کے ہوائی اڈے پر ان کا استقبال کیا۔
اُن کا دورہ دونوں ممالک کوباہمی دلچسپی کے امورپربات چیت کرنے اور مختلف شعبوں میں تعاون کے فروغ کاموقع فراہم کرے گا۔
دورے کے دوران لبنانی اور پاکستانی حکام دونوں ممالک کے درمیان اشتراک عمل کے فروغ کیلئے مذاکرات کریںگے۔
ملاقاتوں میں باہمی تعاون اور پاکستان اور لبنان کے درمیان تعلقات کومزید وسعت دینے سے متعلق امور پرتوجہ دی جائے گی۔
