سپریم کورٹ نے ملک بھر کے نجی سکولوں کو فیسوں میں فوری طور پر 20 فیصد کمی کرنے کی ہدایت کی ہے۔ چیف جسٹس میاں ثاقب نثار کی سربراہی میں عدالت عظمی کے تین رکنی بنچ نے آج اسلام آباد میں نجی سکولوں کی فیس سے متعلق ازخود نوٹس کی سماعت کیدوران یہ عبوری حکم جاری کیا۔ بنچ نیکہاکہ سکول فیسوں میں سالانہ پانچ فیصد سے زیادہ اضافہ نہیں کرسکتے۔ بنچ نے کہا اگر نجی سکول فیسوں میں پانچ فیصد سے زیادہ اضافہ کرنا چاہتے ہیں تواس کیلئے انہیں ریگولیٹری اتھارٹی سے اجازت لینا ہوگی۔بنچ نے نجی سکولوں کو ہدایت کی کہ وہ گرمیوں کی چھٹیوں کیلئے لی گئی فیس کا پچاس فیصد والدین کو واپس کریں یا اسے آئندہ مہینوں کی فیس سے منہا کریں۔

سپریم کورٹ نے پاکستانی منڈی میں بھارتی ڈی ٹی ایچ ڈیوائس کی غیرقانونی فروخت کی تحقیقات کے لئے بھی ایک مشترکہ تحقیقاتی ٹیم تشکیل دینے کا حکم دیا ہے۔ چیف جسٹس میاں ثاقب نثار کی سربراہی میں عدالت عظمی کے تین رکنی بنچ نے آج اسلام آباد میں مقدمے کی سماعت کرتے ہوئے یہ حکم جاری کیا۔