ریلوے کے وزیر خواجہ سعد رفیق نے کہا ہے کہ وہ دن دور نہیں جب بلوچستان میں ملک کا بڑا ریلوے نیٹ ورک ہوگا۔ بدھ کی رات کوئٹہ میں وزیراعلی بلوچستان نواب ثناء اللہ زہری کے ہمراہ ایک پریس کانفرنس سے خطاب کرتے ہوئے انہوں نے کہاکہ سبی ہرنائی ریلوے لائن پر بحالی کا کام مکمل کیا جارہا ہے اور آئندہ سال مارچ میں اس کا افتتاح کیا جائیگا۔سعد رفیق نے کہا کہ گوادر میں ریلوے اسٹیشن کے قیام کیلئے اراضی خریدلی گئی ہے جبکہ روٹ پر مسافر ٹرنیوں کی بحالی کیلئے کوئٹہ زاہدان ریلوے لائن پر کام جلد شروع ہوگا۔