اطلاعات ونشریات کے وفاقی وزیر چوہدری فواد حسین نے لوک ورثہ کو برصغیر کے متروک آلات موسیقی کومحفوظ بنانے کیلئے منصوبہ شروع کرنے کی ہدایت کی ہے ۔انہوں نے یہ ہدات لوک ورثہ کے دورے کے موقع پر کی۔آج ایک ٹویٹر پیغام میں چوہدری فواد حسین نے کہا کہ پاکستان ٹیلی ویژن اور لوک ورثہ تمام صوبوں میں نئے فنکاروں کی تلاش کیلئے مشترکہ طورپر پروگرام شروع کریں تاکہ نئے گلوکاروں اور موسیقاروں کی نشاندھی ہوسکے اور انھیں منظرعام پرلاجاسکے ۔