صحت کے بارے میں معاون خصوصی ڈاکٹر فیصل سلطان نے قوم پر زور دیا ہے کہ وہ کورونا وائرس کو مزید پھیلنے سے روکنے کیلئے ماسک پہنیں اور سماجی فاصلے سے متعلق قواعد و ضوابط پر عمل کریں۔ پیر کے روز اسلام آباد میں ایک تقریب سے خطاب کرتے ہوئے انہوں نے کہا کہ لوگوں کو کورونا وبا کی روک تھام سے متعلق احتیاطی تدابیر نظر انداز نہیں کرنی چاہئیں کیونکہ مہلک وبا کا ابھی تک خاتمہ نہیں ہو سکا۔معاون خصوصی نے کہا کہ صحت کے مراکز کے استحکام سے آئندہ نسلوں کو فائدہ ہو گا۔