پاک فضائیہ کے سربراہ ائیر چیف مارشل مجاہد انورخان نے کہا ہے کہ پاک فضائیہ دشمن کی جانب سے ہتھیاروں کا ذخیرہ کرنے سے کبھی مرعوب نہیں ہوگی۔

 انہوں نے ان خیالات کا اظہار پاک فضائیہ کے ایک آپریشنل اڈے کے دورے کے دوران کیا۔

 پاک فضائیہ کے سربراہ نے کہا کہ پاک فضائیہ بری اور بحری افواج کے ساتھ مل کر مادروطن کی خود مختاری کو لاحق کسی بھی خطرے سے نمٹنے کےلئے ہر وقت تیار ہے۔

فضائی اورزمینی عملے سے گفتگو کرتے ہوئے ائیر چیف نے جوانوں کے جذبے او ر پیشہ ورانہ مہارت کو سراہا۔

 دورے کے دوران انہوں نے دو نشستوں والے جے ایف 17 تھنڈر لڑاکا طیارے میں تربیتی مشن میں حصہ لیا۔