وزیر خارجہ شاہ محمود قریشی نے کہا ہے کہ کوئی قابض قوت بہادر کشمیریوں کے بلند حوصلے کو نہیں دباسکتی۔یوم شہدائے کشمیر کے موقع پر اپنے ایک ٹوئیٹ میں انہوں نے جموں و کشمیر کے اُن بائیس بیٹوں کی جراء ت و حوصلے کو خراج عقیدت پیش کیا جنہوں نے انیس سو اکتیس میں آج ہی کے دن ظالم ڈوگرہ فوج کے ہاتھوں جام شہادت نوش کیا۔وفاقی وزیر نے کہا کہ کشمیریوں نے حق خودارادیت کے حصول کی کئی عشروں پر محیط جدوجہد میں نئی روح پھونک دی ہے اور وہ آج تک اپنے اس ناقابل تنسیخ حق کیلئے مسلسل قربانیاں دے رہے ہیں۔