بیرون ملک مقیم پاکستانیوں کا پہلا سالانہ کنونشن آج اسلام آباد میں شروع ہو رہا ہے۔
کنونشن کا مقصد قومی معیشت میں بیرون ملک مقیم پاکستانیوں کے کردار کا اعتراف کرنا ہے۔
حکومت نے کنونشن میں شرکت کیلئے آنے والے بیرون ملک مقیم پاکستانیوں کو سرکاری مہمان کا درجہ دیا ہے ۔
اوورسیز پاکستانیز کنونشن کے انعقاد سے ایک ایسا پلیٹ فارم مہیاہو گا جہاں بیرون ملک مقیم پاکستانی اور حکومت اور قومی اداروں کے نمائندے ایک ہی جگہ اکٹھے ہوں گے۔
اس مقصد کیلئے مختلف سرکاری اداروں کے سہولتی کاؤ نٹرز قائم کئے گئے ہیں، تاکہ بیرون ملک مقیم پاکستانیوں کو معلومات، رہنمائی اوردیگر خدمات فراہم کی جا سکیں۔
بیرون ملک مقیم پاکستانیوں کے وزیر چودھری سالک حسین نے ایک ویڈیو پیغام میں بیرون ملک مقیم پاکستانیوں کی فلاح وبہبود اور ان کے مسائل حل کرنے کیلئے حکومت کے عزم کا اظہار کیا ہے۔
انہوں نے کہا کہ یہ پہلی مرتبہ ہے کہ بیرون ملک مقیم پاکستانیوں کا کنونشن ہو رہا ہے جس میں ان کے خیالات اور تجاویز کا خیرمقدم کیا جائے گا۔
بیرون ملک مقیم پاکستانیوں کے وزیر مملکت عون چودھری نے قومی معیشت میںدیارغیر میں رہنے والے ہم وطنوں کے کردار کو سراہا۔
انہوں نے کہا کہ بیرون ملک مقیم پاکستانیوں کے دل پاکستان کے ساتھ دھڑکتے ہیں۔
