پاک بحریہ کے سربراہ ایڈمرل ظفر محمود عباسی کو سعودی رائل فورسز کے شاہ عبدالعزیز میڈل آف ایکسیلینس سے نوازا گیاانہیں یہ اعزاز ریاض میں ہونے والی ایک تقریب میں دیا گیا۔
پاک بحریہ کے ترجمان کے مطابق ایڈمرل ظفر محمود عباسی نے سعودی عرب کے دورے کے دوران رائل سعودی مسلح افواج کے چیف آف جنرل سٹاف اور سعودی نیول فورسز کے سربراہ سے ملاقا ت کی۔
ملاقات میں پیشہ ورانہ امور اور دوطرفہ دفاعی تعاون سے معاملات پر تبادلہ خیال کیاگیا۔
رائل سعودی مسلح افواج کے چیف آف جنرل سٹاف اور رائل سعودی نیول فورسز کے سربراہ نے خطے میں امن و استحکام برقرار رکھنے کے لئے پاک بحریہ کے کردار کو سراہا۔
