کل جماعتی حریت کانفرنس کے رہنما الطاف حسین وانی نے بھارت میں کورونا وائرس سے متاثرہ لوگوں کی بڑھتی ہوئی تعداد کے تناظر میں وادی کشمیر کے اندر اور باہر مختلف جیلوں میں زیر حراست کشمیر ی سیاسی قیدیوں کی فوری رہائی کا مطالبہ کیا ہے۔
انہوں نے ایک بیان میں کورونا وائرس کی نئی لہر پر گہری تشویش ظاہرکرتے ہوئے کہا کہ بھارت پہلا ملک ہے جہاں کورونا وائرس تیزی سے پھیل رہا ہے۔
انہوں نے کہا کہ کورونا وائرس کی تیزی سے پھیلتی ہوئی لہر سے کشمیری سیاسی قیدیوں کی زندگیوں کو شدید خطرہ ہے اور گزشتہ کئی سال سے تہاڑ اور دوسری جیلوں میں مسلسل پابندسلاسل ہیں۔
