چین اور پاکستان کے درمیان آزادانہ تجارت کے معاہدے کے دوسرے مرحلے کے تحت چین پاکستانی مصنوعات کے لئے اپنی منڈیوں تک رسائی کے مزید مواقع فراہم کرے گا۔

پاکستان میں چینی سفارتخانے کے اقتصادی اور تجارتی امور کے منسٹر قونصلر Dr Wang Zhihua نے یہ بات چائنااکنامکس نیٹ سے گفتگو کرتے ہوئے کہی۔انہوں نے کہاکہ چین اورپاکستان کے درمیان آزادانہ تجارت کادوسرا مرحلہ دونوں ملکوں کے درمیان تذویراتی شراکت داری کے فروغ اور تجارتی تعلقات میں مزید سہولیات کی فراہمی کے لحاظ سے نہایت اہمیت کاحامل ہے۔معاہدے کے دوسرے مرحلے کے تحت تجارتی مصنوعات پر درآمدی ڈیوٹی میں چھوٹ کی سہولت پراگلے مہینے کی پہلی تاریخ سے عملدآمدہوگا۔(این این آر، وہاج بشیر)