افغانستان کے دارالحکومت کابل میں ہزاروں افراد احتجاجی مظاہرہ کررہے ہیں جس میں وہ حکومت سے جنوبی صوبے غزنی اور وسطی صوبے اروزگان کے اضلاع میں سکیورٹی یقینی بنانے کا مطالبہ کررہےہیں۔
مظاہرین نے حکومت سے مطالبہ کیا کہ خاص ارزگان، جاگوری اور مالستان کے اضلاع میں طالبان کی موجودگی ختم کی جائے اور بے گھر خاندانوں کی ہنگامی بنیادوں پر امداد کی جائے۔
ان اضلاع میں گزشتہ پندرہ دنوں میں طالبان کےحملوں میں درجنوں افراد ہلاک ہوئے جبکہ بہت سے خاندان اپنا گھر بار چھوڑنے پر مجبور ہوئے ہیں۔