فرانس میں پاکستان کے سفیر معین الحق نے کہا ہے کہ پاکستان زراعت اور افزائش حیوانات کے شعبے میں فرانس کی مہارت سے استفادہ کر سکتا ہے۔انہوں نے یہ بات فرانس کے علاقے Burghundy میں افزائش حیوانات اور مختلف ڈیری مصنوعات کے فارمز کے دورے کے دوران کہی جس کا مقصد خصوصاً دیہی علاقوں میں چھوٹے پیمانے پر ڈیری فارمنگ کے کامیاب تجربے کا جائزہ لینا تھا۔انہوں نے کہا کہ ہم اپنی زرعی پیداوار میں اضافے اور افزائش حیوانات کے شعبے میں فرانس کے اختیار کردہ جدید زرعی اور فارمنگ طریقوں سے فائدہ اٹھا سکتے ہیں جس سے ہمارا ڈیری کا شعبہ تیزی سے ترقی کر سکتا ہے۔