قومی احتساب بیورو کے چیئرمین ریٹائرڈ جسٹس جاوید اقبال نے کہا ہے کہ بدعنوانی سے اقتصادی ترقی کاعمل متاثر ہوتا ہے اور یہ مستحق افراد کو ان کے جائز حقوق سے محروم کرتی ہے۔
انہوں نے ہفتے کے روز ایک بیان میں کہاکہ پاکستان آگاہی' روک تھام اور نفاذ کی انسداد بدعنوانی کی تین نکاتی حکمت عملی کے ذریعے اس ناسور کے خاتمے کے حوالے سے اقوام متحدہ کے کنونشن پر عملدرآمد کررہا ہے۔
انہوں نے کہا کہ نیب کا بنیادی مقصد مالیاتی کمپنیوں' منی لانڈرنگ' بینک فراڈ' بینک سے دھوکے سے لئے گئے قرضے' اختیارات کے غلط استعمال اور سرکاری ملازمین کی جانب سے قومی فنڈز میں خردبرد کے ذریعے بڑے پیمانے پر عوام کو دھوکہ دنے کے کیسز پر خصوصی توجہ دینا ہے۔