مقبوضہ کشمیرکےضلع کپواڑہ کےعلاقے ہندواڑہ میں بھارتی فوج نےریاستی دہشتگردی کی نئی کارروائی میں چار افراد کو شہیدکردیا جن میں تین نوجوان اور ایک خاتون شامل ہے۔ہلاکتیں بھارتی فوج، پولیس اور پیرا ملٹری سنٹرل ریزروپولیس فورسز کی مشترکہ کارروائی کے نتیجے میں ہوئیں۔ادھر انتظامیہ نے ضلع کے علاقے سوپوراورہندواڑہ میں انٹر نیٹ اور موبائل سروس معطل کرد ی ہے۔
لوگوں نے ہند واڑہ شہر میں بھارتی فوج کے ہاتھوں ایک خاتون کی شہادت کے خلاف احتجاجی مظاہرہ کیا۔مظاہرین نے خاتون کی میت ہند واڑہ شہر میں Yonsu کی طرف جانے والی شاہراہ پر رکھ کر بھارت مخالف نعرے لگائے، خاتون کی شناخت مسرا بانو کے نام سے ہوئی ہے۔
دوسری طرف حریت تنظیموں اوررہنماؤں نے انسانی حقوق کی عالمی تنظیموں پر زور دیا کہ وہ کشمیریوں کی حالت زار کا نوٹس لیں۔
کل جماعتی حریت کانفرنس کے سینئر رہنما آغا سید حسین الموسوی الصفوی نے سرینگر میں ایک بیان کہاکہ ذمہ دار عالمی طاقتوں کے طرزعمل اور کردار میں تبدیلی کے باعث انسانی حقوق کی صورتحال مزید خراب ہورہی ہے۔