انفارمیشن ٹیکنالوجی اور ٹیلی مواصلات کے وزیر سید امین الحق نے کہا ہے کہ ان کی وزارت انفارمیشن ٹیکنالوجی کے یونیورسل سروس فنڈ کے ذریعے ملک میں براڈ بینڈ سروسز کی فراہمی کےلئے مختلف اقدامات کررہی ہے۔
انفارمیشن ٹیکنالوجی کے وزیر نے یہ بات ڈاکٹر عشرت حسین کےساتھ اسلام آباد میں ایک ملاقات میں کہی۔ انہوں نے ڈیجیٹلائزیشن، براڈ بینڈ آئی ٹی برآمدات اور ای گورننس سے متعلق امور پر تبادلہ خیال کیا۔
انہوں نے کہا کہ دور دراز علاقوں میں آپٹیکل فائبر کی تنصیب اور ہائی سپیڈ انٹرنیٹ کی فراہمی کا کام بھی جاری ہے۔