وفاقی تعلیم اور پیشہ ورانہ تربیت کے وزیر ڈاکٹر خالد مقبول صدیقی نے کہا ہے کہ حکومت سکول نہ جانے والے بچوں کی تعداد میں نمایاں کمی کے لئے پالیسی وضع کرنے پر کام کر رہی ہے۔

وہ پاکستان میں بچوں سے متعلق اقوام متحدہ کے فنڈ کے نمائندے عبداللہ اے FADIL سے باتیں کر رہے تھے جنہوں نے آج اسلام آباد میں ان سے ملاقات کی۔

وفاقی وزیر نے کہا کہ اس حوالے سے قومی اتفاق رائے پیدا کرنے کیلئے مخیر شراکت داروں کے ساتھ تمام صوبوں سے مشاورت کی جائے گی۔

عبداللہ اے FADILنے کہا کہ یونیسف نادار اور مستحق افراد پر توجہ مرکوز کرتے ہوئے پاکستان میں تمام بچوں کے لئے معیاری تعلیم تک رسائی میں اضافے کی کوششوں کی حمایت کرتا ہے۔