سری لنکا کے دارالحکومت کولمبو کے مقامی ہوٹل میں پاکستانی کھانوں کا میلہ شروع ہوگیا ہےجو پانچ روز جاری رہے گا۔سری لنکا کے وزیر سیاحت جون اماراٹنگااور پاکستانی ہائی کمشنر ڈاکٹر شاہد احمد حشمت نے مشترکہ طورپر میلے کا افتتاح کیا۔
اس موقع پر گفتگو کرتے ہوئے پاکستانی ہائی کمشنر نے کہاکہ پاکستانی کھانے کی اپنے ذائقے اور مختلف انواع و اقسام کے باعث دنیا بھر میں شہرت ہے جوکہ مقامی چٹ پٹی روایات کا حسین امتزاج رکھتے ہیں۔
پاکستان کے نامور شیف اسد لطیف اس فوڈ فیسٹیول کے مرکزی روح رواں ہیں جو اتوار تک جاری رہے گا۔