صدر ڈاکٹر عارف علوی نے کہا ہے کہ حکومت گلگت بلتستان کے طلبہ کو جدید تعلیمی سہولتوں کی فراہمی کے لئے ہر ممکن اقدامات کررہی ہے۔
وہ بلتستان یونیورسٹی کے طلبہ سے گفتگو کررہے تھے جنہوں نے آج ایوان صدر اسلام آباد میں ان سے ملاقات کی۔
صدر نے کہا کہ پاکستان کی ترقی اور خوشحالی کا راز صحت اور تعلیم کی بہتر سہولتوں کی فراہمی میں مضمر ہے۔
انہوں نے کہا کہ کراچی میں شروع کئے گئے مصنوعی معلومات کے صدارتی لائحہ عمل کو جلد پورے ملک تک توسیع دی جائےگی۔
ڈاکٹر عارف علوی نے کہا کہ مصنوعی معلومات وقت کا تقاضا ہے اور طلبہ کو اس میں مہارت حاصل کرنے پر توجہ دینی چاہیے۔
انہوں نے کہا کہ ہماری جامعات کو طلبہ کو نئے ابھرتے مواقع سے استفادہ کرنے کے قابل بنانا چاہیے۔
